आता ट्रेंड ‘सेल्फी स्टॅच्यू’चा Trend of Selfie Statue
कॅमेरा
फोन्स आणि सोशल नेटवर्किंग या दोन बाबींमुळे अल्पावधीतच सेल्फी फोटोंना
अमाप लोकप्रियता मिळाली. २०१३ मध्ये सेल्फी हा सोशल नेटवर्किंग साइट्सवर
सर्वाधिक वापरण्यात आलेला शब्द होता. ऑक्सफर्ड डिक्शनरीनेही सेल्फी शब्दाची
दखल घेऊन त्याला 'वर्ड ऑफ दि इयर' ठरवले. आता सेल्फीची पुढची पायरी म्हणून
सेल्फी स्टॅच्यूकडे पाहिले जात आहे. नव्या थ्री-डी प्रिंटींग
तंत्रज्ञानाच्या आधारे आपले शरीर स्कॅन करून स्वतःचा पुतळा तयार करण्याचा
ट्रेंड रुजू पाहतो आहे.
अमेरिकेत एकट्या न्यूयॉर्कमध्ये गेल्या वर्षभरामध्ये स्टॅच्यू तयार करून देणारे चार स्टुडिओ आहेत. पूर्वी आपला पुतळा तयार करून घेण्यासाठी संबंधित व्यक्तीला शिल्पकारासोबत काही दिवस बसावे लागत होते. थ्री-डी स्कॅनिंग व प्रिंटींग तंत्रज्ञान अद्ययावत झाल्याने अवघ्या काही सेकंदांमध्ये तुमचे शरीर स्कॅन करून प्रिंटरमध्ये त्याची प्रतिमा साठवली जाते व त्यानुसार अपेक्षित आकारमानामध्ये पुतळा तयार करण्यात येतो. न्यूयॉर्कमधील म्युझियम ऑफ आर्ट अँड डिझाइनने आतापर्यंत अशाप्रकारचे ६,००० स्टॅच्यू तयार केले आहेत. या स्टॅच्यूंची किंमत साधारणतः ३० डॉलर्सपासून आहे. साडेतीन इंच इतक्या लहान आकारापासून हे पुतळे तयार करण्यात येतात. प्रसिद्ध हॉलिवूड दिग्दर्शक वूडी अॅलन यांनीही थ्री-डी स्कॅनिंगच्या माध्यमातून आपला पुतळा तयार करून घेतला आहे. स्मिथसॉनियन इन्स्टिट्युशनने अमेरिकेचे अध्यक्ष बराक ओबामा यांना स्कॅन करून त्यांचाही थ्री-डी प्रिंटेड स्टॅच्यू बनवला आहे.
हे स्टॅच्यू पूर्णतः रंगीत असतात. यासाठी जिप्सियम पावडरचा वापर करण्यात येतो. या तंत्रज्ञानामध्ये विविध प्रकारच्या सामग्रीचा वापर करता येऊ शकतो. या सेल्फी स्टॅच्यूची लोकप्रियता पाहून वॉल मार्टसारख्या मोठ्या कंपनीने आपल्या शॉपिंग मॉलमध्ये अशाप्रकारचे स्टुडिओ सुरू करण्याची योजना आखली आहे. वॉल-मार्टच्या ब्रिटनमधील 'एएसडीए' या स्टोअरमध्ये नोव्हेंबरपासून थ्री-डी स्टॅच्यू बनवून देण्यात येतील. या तंत्रज्ञानामुळे एखाद्या कार्टून कॅरेक्टरच्या शरीरास आपला चेहरा अशा स्टॅच्यू बनवण्याच्या विविध शक्यता अस्तित्वात येऊ शकतात. त्यामुळे लहान मुलांमध्ये या स्टॅच्यूंना मिळणारी लोकप्रियता वाढत आहे. आपल्याकडे स्टॅचू बनवण्यासाठी येणाऱ्या ग्राहकांमध्ये सर्वाधिक संख्या ही पालकांची असते व त्यांना आपल्या लहान मुलांचे स्टॅच्यू बनवून घ्यायचे असतात, असे 'आय मेकर स्टोअर' या स्टुडिओचा निर्माते स्लिवेन प्रेयमाँट सांगतात. अमेरिका व ब्रिटनमध्ये या स्टॅच्यूंना मिळत असलेली लोकप्रियता पाहता भविष्यामध्ये अन्य देशांमध्येही असे स्टुडिओ मोठ्या प्रमाणावर सुरू होतील, अशी शक्यता तज्ज्ञ व्यक्त करतात.
अमेरिकेत एकट्या न्यूयॉर्कमध्ये गेल्या वर्षभरामध्ये स्टॅच्यू तयार करून देणारे चार स्टुडिओ आहेत. पूर्वी आपला पुतळा तयार करून घेण्यासाठी संबंधित व्यक्तीला शिल्पकारासोबत काही दिवस बसावे लागत होते. थ्री-डी स्कॅनिंग व प्रिंटींग तंत्रज्ञान अद्ययावत झाल्याने अवघ्या काही सेकंदांमध्ये तुमचे शरीर स्कॅन करून प्रिंटरमध्ये त्याची प्रतिमा साठवली जाते व त्यानुसार अपेक्षित आकारमानामध्ये पुतळा तयार करण्यात येतो. न्यूयॉर्कमधील म्युझियम ऑफ आर्ट अँड डिझाइनने आतापर्यंत अशाप्रकारचे ६,००० स्टॅच्यू तयार केले आहेत. या स्टॅच्यूंची किंमत साधारणतः ३० डॉलर्सपासून आहे. साडेतीन इंच इतक्या लहान आकारापासून हे पुतळे तयार करण्यात येतात. प्रसिद्ध हॉलिवूड दिग्दर्शक वूडी अॅलन यांनीही थ्री-डी स्कॅनिंगच्या माध्यमातून आपला पुतळा तयार करून घेतला आहे. स्मिथसॉनियन इन्स्टिट्युशनने अमेरिकेचे अध्यक्ष बराक ओबामा यांना स्कॅन करून त्यांचाही थ्री-डी प्रिंटेड स्टॅच्यू बनवला आहे.
हे स्टॅच्यू पूर्णतः रंगीत असतात. यासाठी जिप्सियम पावडरचा वापर करण्यात येतो. या तंत्रज्ञानामध्ये विविध प्रकारच्या सामग्रीचा वापर करता येऊ शकतो. या सेल्फी स्टॅच्यूची लोकप्रियता पाहून वॉल मार्टसारख्या मोठ्या कंपनीने आपल्या शॉपिंग मॉलमध्ये अशाप्रकारचे स्टुडिओ सुरू करण्याची योजना आखली आहे. वॉल-मार्टच्या ब्रिटनमधील 'एएसडीए' या स्टोअरमध्ये नोव्हेंबरपासून थ्री-डी स्टॅच्यू बनवून देण्यात येतील. या तंत्रज्ञानामुळे एखाद्या कार्टून कॅरेक्टरच्या शरीरास आपला चेहरा अशा स्टॅच्यू बनवण्याच्या विविध शक्यता अस्तित्वात येऊ शकतात. त्यामुळे लहान मुलांमध्ये या स्टॅच्यूंना मिळणारी लोकप्रियता वाढत आहे. आपल्याकडे स्टॅचू बनवण्यासाठी येणाऱ्या ग्राहकांमध्ये सर्वाधिक संख्या ही पालकांची असते व त्यांना आपल्या लहान मुलांचे स्टॅच्यू बनवून घ्यायचे असतात, असे 'आय मेकर स्टोअर' या स्टुडिओचा निर्माते स्लिवेन प्रेयमाँट सांगतात. अमेरिका व ब्रिटनमध्ये या स्टॅच्यूंना मिळत असलेली लोकप्रियता पाहता भविष्यामध्ये अन्य देशांमध्येही असे स्टुडिओ मोठ्या प्रमाणावर सुरू होतील, अशी शक्यता तज्ज्ञ व्यक्त करतात.
No comments:
Post a Comment